Waziri wa Ardhi Nyumba na Maendeleo ya Makazi azindua Clinic ya Ardhi Bagamoyo

Imewekwa: September 25th, 2023

Waziri Ardhi Nyumba Maendeleo ya Makazi Mhe Jerry Silaa amezindua Rasmi Kampeni ya Bagamoyo Ardhi clinic Katika viwanja vya Shule ya Msingi Mtambani Halmashauri ya Bagamoyo na kusikiliza Changamoto zinazowakabili Wananchi wa Kata ya Mapinga Kwenye suala la Migogoro ya Ardhi.

Mhe waziri amezindua Kampeni hiyo tarehe 23 Septemba 2023 Wilayani Bagamoyo na kutoa wito Kwa Maafisa Ardhi pamoja na Wananchi Kuendelea kupewa elimu,ya Maswala ya Ardhi namna ya kumilki Ardhi,kununua Ardhi pamoja na umuhimu wa Kufuata sheria za kumiliki Ardhi.

Mhe waziri Wa Ardhi Nyumba Maendeleo ya Makazi amezungumzia Kuhusu kamati ya Mawakili wasio fanya kazi nakupeleka Malalamiko kwa kamati husika ambayo Mwenyekiti wake ni Mkuu wa Mkoa wachukuliwe hatua huku akiwataka Viongozi wa Serikali kuhakikisha wanasimamia haki za Wananchi wao. 

Wakili Silaa amewaomba watanzania kuhakikisha wanasimamia haki zao kwa kufuata Sheria na taratibu za kimahakama ili kuweza kupata haki yako kwa njia ya sheria lengo ni kuhakikisha Wananchi wote wanapata haki kupitia njia ya sheria kwani hakuna mtu alie juu ya sheria.

Amewataka pia Wananchi wote kuheshimu sheria za Ardhi ambazo zimetungwa na wawakilishi wa wananchi na wale wote walio ingia kwenye eneo la Razaba watoke na kuacha maeneo hayo kwani wamilimi wa maeneo hayo wapo kisheria na wana hati

 Waziri ametwaka Maafisa ardhi kuheshimu michoro iliyopo ya Mipango miji kwenye Maeneo ya Umma ili kuepusha Matatizo madogomadogo yanayojitokeza pia amewataka watendaji hao kujiepusha na migogoro ya uuzaji wa viwanja mara mbili kwa watu wawili tofauti huku akibainisha kwa atakae husika hatua za kisheria na kinizamu zitachukuliwa dhidi yake

Pia amewapongeza maafisa ardhi wilaya ya Bagamoyo Kwa kufanya kazi zao wa weledi mzuri kwa kutokuwepo katika Migogoro iliyoorodheshwa na Wananchi wakati wa Mikutano wa Uzinduzi wa Bagamoyo Ardhi clinic Katika viwanja vya Shule ya Msingi Mtambani..

Pia ametoa wito kwa wakuu wa Wilaya nchi nzima kuanzisha clinic ya Migogoro ya Ardhi kwa wale wenye maeneo yenye Migogoro ya Ardhi ili Wananchi wapate elimu na kutatuliwa changamoto za Migogoro hiyo ya Ardhi.

Sanjari na maelekezo hayo ameipongeza Halmashauri za Wilaya za Bagamoyo na Chalinze kwa kutumia Fedha za mapato ya ndani ili kupanga matumizi bora ya Ardhi na kutoa wito kwa Halmashauri zote walio pata pesa Kwa ajili ya Kupanga Matumizi bora ya Ardhi kufanya haraka na kuanza kuuza viwanja hivyo ili kuweza kurudisha pesa kwa Wakati,

amempongeza Mhe Mkuu wa Mkoa pwani kwa kutekeleza maagizo ya Baraza la mawaziri kwa vitendo pamoja na kumpongeza kwa kuhakikisha mkoa wa Pwani kuendelea kuwa na viwanda vingi na kusisitiza maelekezo ya Eneo la Razaba yafanyiwe kazi na Wananchi kuondoka katika eneo hilo..

Pia amewaomba Wananchi wote kuwa hakuna maeneo ambayo yanaitwa shamba pori kwani maeneo hayo yanamilikiwa na wamiliki halali na kuacha kuvamia maeneo hayo pia na kuwataka Maafisa ardhi kutoa maelekezo kwa wamiliki wa maeneo kuyaendeleza maeneo hayo..