Waziri wa Maji Mhe. Aweso afanya Ziara Kutembelea Mradi wa Maji Chalinze

Imewekwa: November 6th, 2021

Waziri wa Maji Mhe. Jumaa Aweso amefanya ziara katika Halmashauri ya Wilaya ya Chalinze siku ya leo Jumamosi ikiwa ina lengo la kukagua miradi ya maji na kuwasha mitambo ya maji inayosimamiwa na Mamlaka ya Maji Safi na Mazingira  DAWASA na kuongea na wananchi wa Halmashauri ya Chalinze.

Akizungumza kwenye ziara hiyo Mhe. Jumaa Aweso amemshukuru Mhe. Samia Suluhu Hassan Rais wa Jamhuri ya Muungano wa Tanzania kwa kuwa suluhu la matatizo ya Watanzania kwa kuondoa changamoto ya Maji Chalinze na Tanzania kwa Ujumla.

“Napenda kumshukuru Rais wetu wa Jamhuri ya Muungano wa Tanzania Mhe. Samia Suluhu Hassan kwa kuwa suluhu ya matatizo ya Watanzania kwa kutumia fedha za ndani na ndio maana hii leo nimekuja kuwasha mtambo wa maji Chalinze ili wananchi waweze kupata huduma ya maji safi na salama” Alisema Mhe. Aweso

Aidha alitoa shukrani kwa Mbunge wa Jimbo la Chalinze Mhe. Ridhiwani Kikwete kwa utendaji wake na ufuatiliaji wa mradi huo vilevile kuufahamu vyema mpaka kukamilika kwa asilimia kubwa  na pia  Mhe. Aweso aliutaka uongozi wa DAWASA kufanya kazi yao ya kutoa huduma ya maji kwa weredi na kutokuchukua muda mrefu pindi wananchi watahitaji huduma ya kuunganishiwa maji.

Nae Mkuu wa Mkoa wa Pwani Mhe.Abubakar Kunenge alimshukuru Waziri wa Maji Mhe. Jumaa Aweso kwa ujio wake katika mradi huo wa maji Chalinze Mkoa wa Pwani.

“ Nikushukuru na nikupongeze kwa ujio wako katika mradi wetu wa maji Mkoa wa Pwani kwani mradi huu utaondoa changamoto na malalamiko ya mahitaji ya maji.mkoani kwetu hii itatusaidia katika Mkoa  wetu wa Pwani kwani ni Mkoa wa kimkakati kwa upande wa viwanda na viwanda vinahitaji maji”. Alisema Mhe.Kunenge

Vilevile Mbunge wa Chalinze Mhe Ridhiwani Kikwete ameridhishwa na kufurahishwa na ukamilishwaji wa mradi huo wa maji wa Mlamdizi-Chalinze.

“Leo hii nimeridhishwa na nimefurahi kwa hatua hii ya kukamilika kwa mradi huu wa Maji Chalinze kwa wakati  na leo hii Maji yanaanza kuingia kwenye tenki letu na hiyo yote ni kutokana na usimamizi na ufuatiliaji wa miradi mikakati unaofanywa na Serikali sikivu ya awamu ya sita inayoongozwa na Rais wa Jamhuri ya Muungano wa Tanzania  Mhe. Samia Suluhu Hassan”. Alisema Mhe. Ridhiwani

Ziara hiyo ya Waziri wa Maji ilifanyika katika kata ya Pera kijiji cha Chamakweza,,Bwilingu na Msoga.

Mh.  Jumaa Aweso akipokea maelekezo kutoka kwa Mafundi wa Ujenzi wa MIundombini ya Maji

Baadhi ya Madiwani wa Halmashauri ya Chalinze wakifuatilia Maelekezo ya Waziri wa Maji Mh Aweso

 kwa DAWASA wakati alipokuwa akizungumza na wananchi katika viwanja vya soko la Chalinze

Mbunge wa jimbo la Chalinze Mh: Ridhiwani Kikwete, na Diwani Kata ya Bwilingu Mh. Nassar Karama

wakiteta jambo na Mh: Jumaa Aweso(Waziri wa Maji,