Wenyeviti wa Vitongoji wapigwa marufuku kushiriki katika mauziano ya ardhi.

Imewekwa: July 21st, 2023

Mkuu wa wilaya ya bagamoyo Mhe Halima Okash akemea wenyeviti wa vijiji na vitongoji kujihusisha na biashara ya uuzaji viwanja Pamoja na mashamba katika maeneo yao kinyume na taratibu hali ilnayopeleka kuzukwa kwa migogoro ya ardhi kuwa mingi leo tarehe 18/7/2023

Hayo ameyesema leo wakati akizungumza na wananchi wakati wa mkutano wa hadhara katika kata ya miono halmashauri ya wilaya ya Chalinze ‘’Nimarafuku kwa wenyeviti wote wa vitongoji na vijiji kushiriki katika maswala ya mauziano ya ardhi kwani kufanya kufanya hivyo ni kinyume cha sheria na taratibu”Amesema Halima Okash

Pia Mhe okash amesisitiza swala la viongozi kuchochea migogoro mbalimbali badala ya kuwa sehemu ya kutatua migogoro hiyo hasa ya ardhi katika Kata zao pamoja na vijiji huku pia akitoa onyo kwa yeyote ambae anatahusika  kuchochea migogoro hiyo hatua kali za kisheria zitachukuliwa dhidi yake .

Lakini pia amewataka viongozi kuendana na kasi ya Mhe Dkt Samia Suluhu Hassan lengo likiwa ni kuhakikisha viongozi wanasimamia miradi ya maendeleo kutatua na kusikiliza kero,changamoto zinazowakabili wananchi na kuzitafutia ufumbuzi

Sambamba na hayo pia Mhe Mkuu wa wilaya amewataka viongozi,wakuu wa idara pamoja na wakuu wote wa taasisi  kuendelea kuwashirikisha wanchi katika kila jambo linalofanyika katika kata zao ili wananchi wapate kufahamu mambo yote yanayotekelezwa serikali yajamuhuri ya muungano wa Tanzania iliyochini ya Raisi  Mhe Dkt Samia Suluhu Hassan.

Mhe Mkuu wa wilaya ya Bagamoyo  Halima Okash  amehitimisha kwa kukemea ukatili wa wanawake  na kuwasihi wanaume kuwaheshimu wake zao na kuwashirikisha katika maswala mbalimbali ya maendeleo ili kujenga familia zilizo bora kwaajili ya malezi ya watoto