WOMEN TALK Wazizima Chalinze

Imewekwa: October 1st, 2022

Asasi isiyo ya kiserikali ya WOMEN TALK wamekutana na wanawake wajasiriamali katika Ukumbi wa wa KIKWETE HALL katika Ofisi ya Halmashauri ya Chalinze na kujadili mikakati mbalimbali ya kumkomboa mwanamke kiuchumi.

Kusanyiko hilo limehusisha wanawake wajasiriamali,watumishi wa kada mbalimbali,madiwani wanawake katika Halmashauri ya Chalinze na kupeana mikakati ya kujikwamua kiuchumi wao na familia zao.

Akitoa maelezo mafupi juu ya WOMEN TALK Mwenyekiti wa Asasi hiyo Mwalimu Kulwa Mwakapande alieleza malengo ya kuanzisha asasi hiyo ni kumkwamua mwanamke aweze kujitambua kama mtu anayeweza kuwa mjasiriamali na kuondokana na Umasikini uliokithiri sanjari na kuwasidia wasiojiweza kama wajane na watoto yatima ili waweze kufikia malengo yao kimaisha.

Aidha Mwakapande aliwataka wanawake wote katika Halmashauri ya Chalinze kuungana na asasi hii ili kuweza kupeana mikakati na kuwezeshana katika stadi mbalimbali za maisha ili kuthibitisha jina hili la “WOMEN TALK “.

“ Nilikaa nikafikiri kwa kina ni jinsi gani wanawake tutaungana na kuwa sauti moja katika kujikwamua kiuchumi ndipo nilipoanza kwa kusema na wakina mama kadha nao waliweza kunielewa nakuanzisha umoja huu.” Mwakapande alisema.