DC Okash atatua kero za wananchi Kibindu

Imewekwa: September 3rd, 2023

MKuu wa Wilaya ya Bagamoyo ameagiza Ofisini ya Mkurugenzi Mtendaji wa Halmashauri ya Chalinze kutenga kiasi cha shilingi Million 1 ili kuweza kumalizia Ujenzi wa Machinjio katika Kata ya Kibindu kijiji cha Kibindu

Akizungumza Wakati wa Mikutano wa Wananchi katika Kijiji hicho cha Kibindu Mhe Halima Okash ametoa maagizo hayo kwa Mkurugenzi Mtendaji wa Halmashauri ya Chalinze baada ya Wananchi kutoa kero kuhusu kukosekana kwa sehemu ya Machinjio katika kijiji hicho

Pia Mhe Mkuu wa Wilaya ametoa pongezi kwa Viongozi kwa ushirikiano walio kuwa nao kwa Kuendelea kujenga miradi pamoja na kusimamia shughuli zote za Kimaendeleo katika kijiji hicho na kata kwa ujumla

Aidha Mhe Mkuu wa Wilaya ameunda Kamati ya Wakulima na Wafugaji ikiwa na lengo la kutatua kero na kusimamia sheria ndogo ndogo za utatuzi wa Migogoro ya Ardhi katika Kijiji hicho cha Kibindu

Mhe Mkuu wa Wilaya Halima Okash ametoa maelekezo kwa Mkurugenzi Mtendaji kuhakikisha Kijiji hicho anapatikana Mtendaji wa Kijiji wa Kudumu ili aweze kusaidia Wananchi kuwatatulia kero zao.

Sanjari na hayo pia Mhe Mkuu wa Wilaya ya Bagamoyo Halima Okash Ametembelea Ujenzi wa shule shikizi iliyo hatua ya Msingi iliyojengwa kwa nguvu za wananchi iliyopo katika Kitongoji Chapuku Kata ya Kibindu.