DC Okash awataka Vijana kuacha tabia ya kukimbia kazi wanapopata malipo

Imewekwa: April 9th, 2024

MKUU wa Wilaya ya Bagamoyo Halima Okash  amesema vijana wa Wilaya hiyo wanatakiwa kubadilika wanapopata ajira kwa kuachana tabia ya kukimbia kazi baada ya malipo na kurejea pindi fedha zinapoisha.

Alisema kwa kufanya hivyo imekuwa ni kikwazo kwa wamiliki wa viwanda ambao wanalenga kupata faida katika uzalishaji wa bidhaa zao kwenye viwanda.

.

"Tuna Changamoto ya vijana wetu kwenye sekta ya viwanda wanasubiri muda wakishapewa malipo huwa wanaondoka pale mshahara unapokatika tena ndio wanarudi kufanya kazi hii haileti picha nzuri kwa wawekezaji ambao Wana malengo yao katika uzalishaji," alisema.

Okash ambaye aliyasema hayo  juzi Mjini Bagamoyo wakati anawasilisha taarifa ya utekelezaji wa Ilani ya Chama Cha Mapinduzi (CCM) alisema wawekezaji hao wanajiendesha wapate faida hivyo vitendo vya vijana hao vinapinguza uaminifu wa wengine kunufaija na ajira.

"Ukishapewa mshahara huonekani kazini wiki mbili hadi  tatu ni malalamiko makubwa kutoka viwandani na mimi mwenyewe nimeshuhudia nimeshaita vijana na kuzungumza nao wanatakiwa kubadilika kama tunataka ajira" alisisitiza Okash.

Akizungumzia suala la ajira Mkuu huyo wa Wilaya alisema miezi mitatu iliyopita alikaa na Viongozi mbalimbali wa viwanda na kujadiliana ni namna gani ya kuweza kuongeza ajira rasmi na zisizo rasmi kwenye maeneo yao.

"Kwasasa tubasubiri watakapoanza mchakato huo watatupatia taarifa na tayari tumeanza na kata ya Lugoba ambayo tumepeleka majina ya vijana wananchi waweze kujitokeza wa maeneo hayo na karibu ya kwa ajili ya kwenda kufanyiwa usajili muda utakapofika," alisema.

Poa alisema  ajira zinazotolewa zinazingatia viigezo kama hauna vigezo huwezi kumlazimisha mwajiri uajiriwe kwahiyo kwenye hilo lazima watu watu waelewe.

Akielezea utekelezaji wa Ilani Okash alisema katika kipindi cha miezi sita Wilaya hiyo imepokea zaidi ya sh. 11 Biln kwa ajili ya utekelezaji wa miradi mbalimbali ya maendeleo katika Halmashauri ya Chalinze na Bagamoyo..

Okash alisema fedha hizo ni kutoka  Serikali Kuu, Halmashauri ( Mapato ya ndani) na Wadau/ Wahisani mbalimbali ambao wamewezesha utekelezaji wa miradi ya maendeleo ikiwemo sekta ya elimu, afya, maji, kilimo na Mifugo, nishati na barabara.

Mwenyekiti wa CCM Wilaya ya Bagamoyo AbdulSharifu Zahoro aliwataka wanachama kijiandaa katika chaguzi zijazo kwa kuwa na wawakilishi Bora watakaopepetusha bendera ya chama hicho..

Pia akiwasisitiza Madiwani na Viongozi wa Chama hicho kufuatilia miradi inayotekelezwa kwenye maeneo yao sambamba na kutoa taarifa pale wanapobaini kuwa na hitilafu Ili zirekebishwe mapema.