DC Okash awataka wananchi wa Lulenge kupeleka watoto wao shule

Imewekwa: September 5th, 2023

MKuu wa Wilaya Bagamoyo Mhe Halima Okash amewataka Wazazi kuhakikisha wanawapeleka watoto wao shule na kuwachukulia hatua wazazi ambao hawataki kuwapeka watoto hao shule kwa kufanya msako wa nyumba kwa Nyumba

Hayo ameyazungumza wakati alipokuwa akizungumza na Wananchi wa Kata ya Ubena Kitongoji cha Lulenge kijiji cha kaloleni katika ziara yake katika kata hiyo Mhe Mkuu wa Wilaya amesikiliza Kero za Wananchi hao katika kijiji hicho cha Kaloleni.

Mhe Okash pia amesisitiza kuwa atafanya Msako wa nyumba kwa Nyumba kuhakikisha Watoto wote ambao hawajapelekwa shuleni na kufungiwa ndani wazazi wote watachukuliwa hatua za kisheria na Mtoto huyo kupelekwa shule kwani serikali ya Awamu ya Sita ya Rais wa Jamhuri ya Muungano wa Tanzania Dkt Samia Suluhu Hassan elimu ni bure mpaka kidato cha sita.

Pia Mhe Mkuu wa Wilaya amewataka wafugaji kufuga kisasa ili kuweza kupata tija ya Mifugo wanayo Fuga na kuacha kufuga kiholela kwani kufuga kisasa kunasaidia kupata soko na Mifugo kuwa na tija na thamani hasa kwa upande wa Biashara ya nyama na Maziwa..

Pia Mhe Mkuu wa Wilaya ameunda Kamati ya Watu 10 ambapo watano ni Wafugaji na watano ni Wakulima Huku Majukumu ya Kamati hiyo ni kuhakikisha inasimamia na Kutatua kero za wakulima na wafugaji na kusaidia kuangalia Wananchi ambao hawana maeneo na wale ambao wamehozi maeneo makubwa na kuandikisha majina kwa kufanya mkutano wa pamoja na Wananchi...

Pia Mhe Mkuu wa Wilaya amewataka wale wote ambao  wamelishiwa maeneo yao na tayari wameshafanyiwa tathmini kuandikisha majina yao na watu wote walio walishia pamoja na kuanbatanisha tathmini hizo ili aweze kusimamia na kulipwa haki zao..