Mbunge wa jimbo la Chalinze Mh. Ridhiwani Kikwete akabidhi viti na meza 390 ilikukabiliana na upungufu uliopo katika Shule za Sekondari

Imewekwa: May 27th, 2021

Mbunge wa jimbo la Chalinze Mh. Ridhiwani Kikwete amekabidhi jumla ya meza na viti 390 kwa mkuu wa Mkoa wa Pwani Mh. Abubakar Mussa Kunenge ili avikabidhi kwa Mkurugenzi Mtendaji wa Halmashauri ya Chalinze Ndungu Ramadhani Possi ikiwa ni juhudi za ofisi ya Mbunge kupitia mfuko wa jimbo katika kukabiliana na tatizo la Upungufu wa madawati kwa Shule za msingi na Sekondari. Hayo yamefanyika leo katika viwanja vya Halimashauri ya Wilaya ya Chalinze mbele ya  Mkuu wa Mkoa wa Pwani Mh. Abubakar Mussa Kunenge alipotembelea Halmashauri hiyo na Kushuhudiwa na Viongozi mbalimbali wakiwemo Madiwani wataalamu, wananchi, waratibu elimu kata na walimu wakuu ambao shule zao zilipata mgao wa viti na meza hizo.

Akizungumza kabla ya kukabidhi viti na meza hizo Mh. Kikwete alisema “leo tunakabidhi viti na meza kwa wakuu wa shule baadhi ikiwa ni jitihada za kupunguza upungufu wa vitendea kazi hivyo katika mchakato wa utoaji wa elimu Halmashauri ya  Chalinze.  Wito wangu kwa walimu ni kuwa muende mkavitunze na vikasaidie katika kukuza taaluma katika Shule zetu kwani watoto watapata sehemu nzuri za kukaa wakati wanapokuwa wanapokea elimu.

Kwa kupitia fedha za mfuko wa jimbo Halmashauri imechonga jumla ya Viti na meza 390 a kuvigawa katika shule kumi na tatu ambazo ni shule ya Sekondari Kikaro, Kiwangwa,Changarikwa, Chamakweza, Pera, Chalinze, Moreto, Ubena, Talawanda, Vigwaza, Rupungwi Kimange, na Kibindu ambapo kila shule imepata jumla ya viti na  meza thelathini(30) Aliongeza Kusema Mh. Kikwete

Nae Mkuu wa Mkoa wa Pwani akizungumza na Hadhara iliokua imekusanyika hapo kwa lengo la kushuhudia makabidhiano hayo alimpongeza Mbunge Mh. Kikwete kwa juhudi anazozifanya na kuwataka Maafisa na walimu wakuu wanaosimamia taaluma kuongeza weredi ili kuisaidi Chalinze kupata matokeo mazuri zaidi katika mitihani ya Taifa na kuifanya iongoze kimkoa na ikiwezekana kitaifa.

Aidha Mkurugenzi Mtendaji wa Halmashuri ya Chalinze Ndugu Ramadhani Possi alimshukuru Mbunge wa Chalinze Mh. Kikwete kwa msaada huo na Mkuu wa Mkoa wa Pwani Mh. Abubakar Mussa Kunenge kwa kukubali kukabidhi Viti na Meza hizo zenye jumla dhamani ya Tsh.30,000,000/= na kuahidi kuendelea kusimamia Taaluma ili kuweza kufikia ufaulu wa juu kwa shule mojamoja na Halmashauri kwa ujumla.