Mheshimiwa Ridhiwani Kikwete ameahidi kumaliza kero za Maji na Afya kwa wakati Ubena

Imewekwa: July 24th, 2023

Naibu Waziri ofisi ya Raisi,Menejimenti ya utumishi wa Umma na utawala bora na Mbunge wa Jimbo la Chalinze  Mhe Ridhiwani Kikwete amefanya ziara katika kata ya Ubena Pamoja na vitongoji vyake kwa kuzungumza na wananchi wa Kata hiyo.

Akizungumza wakati wa ziara hiyo Mhe Ridhiwani Kikwete amewaondoa mashaka wananchi wa  kitongoji cha Ubena kwakueleza ya kuwa changamoto zilizopo za ukosefu wa maji kwa baadhi ya maeneo zinaendelea kushughulikiwa kwa haraka ili wananchi hao waweze kupata huduma ya maji .

Pia vilevile Mhe Ridhiwani amezungumzia changamoto iliyopo katika zahanati ya ubena na kumuagiza mkurugenzi mtendaji kuhakikisha analetwa mtumishi ambae atatoa huduma kwa wanchi hao kama ambavyo wanavyotakiwa kupatiwa huduma hiyo kwa ubora na uhakika.

Sanjari na hayo Mhe Naibu Waziri ametembelea kitongoji cha Lulenge na kuzungumza na wanachi wa kitongoji hicho ambapo kero kubwa ya wananchi wa kitongoji hicho ni migogoro baina ya wakulima na wafugaji

Mhe Naibu Waziri ameagiza kwa viongozi wote wa Kijiji kuitisha mikutano ya Hadhara kwaajili ya kupanga na kukubaliana    kupanga  maeneo rasmi kwaajili ya wakulima na wafugaji ili kuondoa changamoto iliyopo ya muingiliano kati ya wakulima na wafugaji katika maeneo yao 

“Niwaombe ndugu zangu wanalulenge nyinyi Pamoja na viongozi wenu makae Pamoja ili kuweza kuzungumza changamoto mlizonazo na hii itasaidia kuondoa uhasama na uadui kati yenu kwa kupanga maeneo rasmi ya wakulima na wafugaji kwa kushirikisha na wazee wa kitongoji hichi”Amesema Mhe Ridhiwani Kikwete

Hata hivyo Naibu Waziri na Mbunge wa jimbo la chalinze aliongezea kwakuwaomba wananchi wa kijiji hicho likija swala la maeneo wenye umri kuanzia miaka 40 kushuka chini wasihusike kuzungumza lolote kwasababu wao hawafahamu lolote kuhusu historia bali wakushirikishwa na kuzungumza nao ni wazee wa zamani

Sambamba na hayo aliongezea,kiongozi yoyote hana mamlaka ya kusema watu Fulani hasa jamii ya kimasai kuhama kutokana na migogoro hiyo ya wafugaji na wakulima bali atakaa na kuleta amani pande zote mbili na kuwafanya waishi kwa amani na upendo bila kujali dini,kabila wala jinsia.