Mkuu wa Mkoa wa Pwani afanya ziara Halmashauri ya Chalinze na kufanya kikao na Madiwani na Watumishi wa Halmashauri.

Imewekwa: May 27th, 2021

Mkuu wa Mkoa wa Pwani Mh. Aboubakar Mussa Kunenge leo amefanya ziara Halmashauri ya Chalinze.  Katika ziara hiyo amefanya kikao cha pamoja na wataalamu wa Halmashauri na Madiwani katika ukumbi wa Halimashauri kwa lengo la kujitambulisha na kueleza mkakati wake wa kuhakikisha Halmashauri za mkoa wa Pwani kiuchumi ili kufanya kuzidisha kasi ya maendeleo katika Mkoa na Taifa  kwa ujumla.

Katika ziara hiyo Mh Kunenge amewapongeza Viongozi wa Chalinze wakiongozwa na Mbunge wao Mh Ridhiwani Kikwete, Mkurugenzi wa Halmashauri Ndugu Ramadhani Possi na madiwani wote, kwa kufanya kazi kwa weledi hadi kupelekea Halmashauri ya Chalinze kuwa kinara  katika ukusanyaji wa mapato na utekelezaji wa Miradi kwa viwango.

Mh. Kunenge alisema, Japo Viongozi wote na wataalamu mmefanya kazi kwa weledi wito wangu kwenu ni kuwa, tuongeze juhudi katika utendajikazi kwani kwa nafasi nilioaminiwa na kupewa na Raisi wa Jamuhuri ya Muungano wa Tanzania Mh Samia Suluhu Hassan ya kuongoza Mkoa huu, nichelee kusema kuwa nitakuwa Mtu wa matokeo sana kuliko michakato hivyo kila mmoja kwa nafasi yake afanye kazi inayoonekana kwa bidii na kwa uaminifu wa hali ya juu sana.

Akizungumza katika kikao hicho amewataka wataalamu na madiwani kuongeza kasi ya ukusanyaji mapato ili hali ya ukusanyaji izidi kupanda na sio kurudi nyuma na ili kulifanikisha, hii ni sambamba na uibuaji wa vyanzo vipya na sio kutegemea chanzo kimoja.

" Sipendi taarifa ya mapato ya jumla, Huwa naangalia chanzo kimoja kimoja, maelekezo yangu kwa watumishi na wataalamu wote kwa ujumla nikuwa muangalie namna ya kuongeza vyanzo vingine ili kuongeza makusanyo" alisema Kunenge.

Kunenge pia aliongea na Madiwani wa Halmashauri ya Chalinze na  kusikiliza kero zilizopo kwenye kata zao ili atafute namna ya kuzifanyia kazi baada ya kukamililisha ziara yake kwenye Wilaya na Halmashauri za Mkoa wa Pwani. Aliahidi kujenga ushirikiano na wabunge, Madiwani na watumishi ili kufikia lengo la kuwaondolea wananchi kero zinazowakabili.