BI AMINA KIWANUKA AWAASA MAAFISA ELIMU KATA

Imewekwa: October 11th, 2018

Mkurugenzi wa Halmashauri ya Chalinze Bi Amina Kiwanuka leo tarehe 11/10/2018 aliwaasa maafisa elimu kata wa halmashauri ya Chalinze juu ya kuwa makini na vyombo vya moto, aliyasema hayo alipokuwa akigawa pikipiki 15 zilizotolewa na Tamisemi pamoja na shirika la Lanes. Aliwaambia vyombo vya moto ni vizuri sana na vinarahisisha kazi hivyo wanatakiwa kuwa makini katika kutumia pikipiki walizopewa na si kuwasababishia ajali na kuwapa majeraha.   Mkurugenzi Mtendaji aliendelea kuwaasa maafisa elimu kata kutunza pikipiki katika kutekeleza maslahi ya umma.

Hata hivyo waratibu elimu kata walikumbushwa juu ya maandalizi ya mapokezi ya wanafunzi wa kidato cha kwanza hapo mwakani kwani kuna uhaba wa madarasa hivyo wana takiwa kujipanga katika kukabiliana na changamoto hiyo.

Bibi Amina Kiwanuka aliendelea kuwakumbusha waratibu elimu kata kuwa baada ya kupewa pikipiki na kusaini mikataba wanatakiwa kufuata sheria na kanununi za barabarani katika matumizi ya pikipiki kama vile kuvaa kofia ngumu na kuvaa viatu vigumu pindi wanapotumia pikipiki hizo kwa  usalama wao na watumiaji wengine wa barabara ili kuepusha madhara yanayoweza kuwapata.

Pamoja na hayo yote Bi Amina Kiwanuka aliipongeza serikali kwa kununua pikipiki 15 kwa ajili ya maafisa elimu kata kwani zitasaidia katika kuinua kiwango cha elimu katika halmashauri ya Chalinze.

Tukio hilo la ugawaji wa pikipiki ulienda sambamba na waafisa elimu kuimba wimbo wa mshikamano almaarufu kama SOLIDARITY FOREVER  kwa kushikana mkono na Mkurugenzi mtendaji.