Chalinze DC yafanya Kikao cha Baraza la Madiwani kwa Robo ya Pili Mwaka wa fedha 2021/2022.

Imewekwa: February 22nd, 2022

Halmashauri ya Wilaya ya  Chalinze hii leo imefanya kikao chake cha Baraza la Madiwani cha robo ya pili kwa mwaka wa fedha 2021/2022 ambapo baraza limepokea taarifa za utekelezaji wa kazi katika ngazi ya Halmashauri kwa kipindi cha robo ya pili.

Katika kikao hicho cha Baraza Mwenyekiti wa Halmashauri ya Chalinze Mhe. Hassan Rajabu Mwinyikondo amewashukuru waheshimiwa madiwani na wataalmu pamoja na Taasisi mbalimbali kwa kufanikiwa kupokea taarifa za utekelezaji wa kazi kwa maendeleo ya Chalinze.

“Kwanza niwashukuru Waheshimiwa madiwani wenzangu kwa kuweza kufanya kikao chetu cha baraza salama na kupokea taarifa mbalimbali za utekelezaji wa kazi kwa maendeleo ya Chalinze na kubwa zaidi kuzungumzia mambo muhimu yanayoihusu Halmashauri ya Wilaya ya Chalinze”. Amesema Mhe. Mwinyikondo.

Hata hivyo Mhe.Mwinyikondo ameziomba vyombo vya ulinzi na usalama kuisaidia Halmashauri ya Chalinze kwenye vita ya ukusanyaji wa mapato,

“Tuna mikakakti katika kukusanya mapato ili kufikia malengo tuliyojiwekwea hivyo basi niwaombe vyombo vya ulinzi na usalama waweze kutusaidia katika shuguli za ukusanyaji wa mapato na wale ambao wanafuja mapato yetu waweze kufikishwa kwenye vyombo vya kisheria ili Halmashauri yetu iweze kusonga mbele.” Ameongeza Mhe.Menyekiti.

Aidha katika kikao hicho cha Baraza Mbunge wa viti maalum Mhe. Subira Mgalu amezipongeza ofisi ya Mwenyekiti na Mkurugenzi Mtendaji wa Halmashauri ya Chalinze kwa kutoa zawadi kwa walimiu na kamati za shule ambazo zimefanya vizuri katika utekelezaji wa ujenzi wa vyumba vya Madarasa ya Mpago wa Maendeleo kwa ustawi wa Taifa na mapambano dhidi ya UVIKO-19  kwa wakati na kutoa wito kwa kamati hizo.

“Kwanza nipongeze ofisi ya Mwenyekiti na Mkurugenzi Mtendaji kwa kuwazawadia walimu na kamati za ujenzi waliofanya vizuri katika utekelezaji wa ujenzi wa madarasa ya Mpango wa maendeleo kwa ustawi wa Taifa na mapambano dhidi ya UVIKO-19 na kutokana na hilo natoa wito kwa kamati hizi kuendelea na kusimamia vyema miradi mingine ya mapato ya ndani na ya Kitaifa.” Amesema Mhe. Mgalu.

Vilevile kwaniaba ya Mkuu wa Wilaya ya Bagamoyo Bi.Dorice Mwakatobe ameipongeza Halmashauri ya Wilaya ya Chalinze kwa hatua inazozichukua za kudhibiti mianya ya upotevu wa mapato katika Halmashauri. 

“Kwaniaba ya Mkuu wetu wa Wilaya Mhe. Zainabu Abdallah niwapongeze Halmashauri ya Chalinze kwa \ukusanyaji wa mapato na zaidi katika jitihada zenu mnazozifanya za kuhakikisha mnaziba mianya ya upotevu wa mapato katika Halmashauri hii.”Amesema Bi. Dorice Mwakatobe.

Kwa Upande wa uwakilishi wa Chama Cha Mapinduzi (CCM),Mwenyekiti wa Chama hicho kwa Wilaya ya Bagamoyo Ndg.Sharifu amempongeza Mwenyekiti  na Mkurugenzi Mtendaji wa Halmashauri na  madiwani kwa kuendesha Baraza kwa weredi  kwa kupata wa fikra na mawazo yao juu ya uendeshwaji bora wa Halmashauri ya Chalinze na kuwaasa wataalamu kufanya kazi kwa ufanisi kwa kufuata maelekezo ya ilani ya Chama Cha Mapinduzi,

“Nikupongeze Mhe. Mwenyekiti,Waheshimiwa Madiwani na Mkurugenzi Mtendaji kwa kuendesha baraza hili kwa weredi na kuona fikra na mawazo ya kila mmoja wenu juu ya kuiendesha kwa mafanikio Halmashauri yetu ya Chalinze na pia kwakuwa chama chetu cha CCM ndio chenye ilani inayotekelezwa basi wataalamu tukafanye kazi kwa weredi  na kuifuata Ilani inataka inavyotuelekeza kwenye masuala ya kimaendeleo.”Amesema Mhe.Sharifu