DC Okash awataka wazazi kuwa makini katika malezi ya watoto wao

Imewekwa: July 17th, 2023

Mkuu wa Wilaya ya Bagamoyo Mhe Halima Okash amefanya ziara yake ya Kata kwa Kata katika kata ya Mkange tarafa ya Miono na kuzungumza na wananchi Pamoja na viongozi wa Chama na serikali huku pia akitembelea miradi ya maendeleo katika Kata hiyo leo tarehe 17/7/2023

 Akizungumza na Wananchi hao wakati wa Mkutano wa hadhara Mhe Mkuu wa Wilaya amewataka Viongozi Pamoja na Wananchi kushirikiana kwa Pamoja katika kuhkikisha wanasimamia miradi ya maendeleo Pamoja na kutatua kero katika Kata hiyo.

‘’ndugu zangu nataka kuwaambia Mbunge wenu amenipa salamu niwafikishie kuwa ataendelea kuhakikisha chalinze inazidi kupata Maendeleo Zaidi yote ni kukuza chalinze iwe ni chalinze ya maendeleo’’amesema Mkuu wa Wilaya 

 Pia Mhe Mkuu wa Wilaya amewahakikishia wananchi hao wa Kata ya Mkange kuwa changamoto ya Umeme kwa baadhi ya maeneo katika kata hiyo inakwenda kutatuliwa haraka kwa mwaka huu mpya wa fedha kwani Mhe Dkt Samia Suluhu Hassan ameleta fedha na zinakwenda kutatua changamoto hizo.

 Sanjari na hayo amezungumzia swala la ukatili wa kijinsia na kuwataka wazazi na walezi kuendelea kuwa karibu na Watoto wao na kuhakikisha wanawachunguza na kuzungumza nao mara kwa mara.

 ‘’nitoe rai kwa wazazi wenzangu kuwa hakikisheni mnawapekuwa Watoto wenu bila kuwaonea aibu kwani kufanya hivyo kutapelekea kufahamu mtoto wako amepata tatizo au hajapata hivyo ni vema kuwa karibu ili kuwea kuwafahamu Zaidi’’amesema Mhe Okash.

 Vilevile Mhe Okash amewataka wazazi,walezi ,Pamoja na wananchi kutoa ushirikiano kwa kutoa taarifa kwa vyombo vya habari kwa watu wote ambao wanahusika katika swala la  ukatili wa kijinsia ili waweze kuchukuliwa hatua stahiki dhidi yao.