Halmashauri ya Wilaya ya Chalinze na Shirika la STANDING VOICE zaendesha Kliniki kwa watu wenye ulemavu wa ngozi.

Imewekwa: July 2nd, 2022

Halmashauri ya Wilaya ya Chalinze kupitia Kitesngo cha Ustawai wa jamii wakishirikiana na Shirika lisilo la kiserikali la Standing Voice imeto huduma za kuelimsisha na ugawaji wa vifaa kinga kwa watu wenye ulemavu wa ngozi katika Hospitali ya Msoga iliyopo katika Halmashauri ya Chalinze.

Akizungumza hii leo Afisa Ustawi wa Halmashauri ya Wilaya ya Chalinze Bi. Shukuru Mgao amesema kama serikali wanajitahidi kutafuta wadau wengi Zaidi ili kuwawezesha watu wenye  ulemavu ili nao wawe moja ya kuiunga mkono serikali ambapo hii leo tumeungana na shirika la Standing Voice kwa lengo la kutoa elimu na kutoa vifaa tiba kwa watu wenye ilemavu wa ngozi.

“ Kama serikali na Ofisi ya Mkurugenzi Mtendaji kwa kupitia Kitengo cha  Ustawi wa jamii tunajitahidi kuunga mkono juhudi za serikali za kuwasaidia watu wenye ulemavu ambapo kwenye hilo tumeungana na Shirika la Standing Voice kwaajili ya kutoa elimu juu ya kujikinga na saratani ya ngozi pamoja na kutoa vifaa kinga kwa watu wenye ulemavu wa Ngozi”. Amesema Bi.Mgao

Bi. Mgao aliongeza kwa kuwaomba wadau mbalimbali kuendeleza utamaduni na kujitokeza kwa wingi juu ya kuwasaidia watu wenye ulemavu kwani kwa kufanya hivyo wataendeleza na  kuisaidia Serikali juu ya dhamira yake ya kuwasaidia walemavu nchini.

Aidha kwaniaba ya Mwakilishi wa shirika la Standing Voice Bi.Valeria Mambya ameelezea lengo kuu la lililowafanya kufika katika Halmashauri ya Chalinze ili kutoa huduma hiyo.

“ Leo tumefika hapa katika Hospitali ya Msoga kwa lengo la kufanya kliniki ya ngozi kwa watu wenye ulemavu wa ngozi ambapo tunaungana na timu ya madaktari mbao watatoa elimu, vifaa kinga na kuwapima ngozi na kuwapatia matibabu kwa wale watakaokutwa na viashiria vya saratani na kwa wale waliothirika watapatiwa rufaa na kutibiwa katika Hospitali kubwa za KCMC na Muhimbili na gharama zake zote zitalipwa na shirika letu.” Amesema Bi. Mambya.

Hata hivyo Bi Mambya ameongeza kwa kusema kuwa Kiliniki ya leo imeambatana na kugawa vifaa kinga kwa watu wenye ulemavu wa ngozi ikiwemo mwamvuli mmoja kwa kila mtoto mdogo lakini pia kila mmoja atapewa,kofia na mafuta maalumu ya kukinga miale ya jua inayosababisha saratani.

Vilevile Daktari wa ngozi kutoka Kitengo cha ngozi katika Hospitali ya KCMC Dkt. Aidan Mashuhuri ameelezea ni kwa namna gani anawatibu na kuwapa elimu walemavu wa ngozi ambao wamefika katika kliniki hiyo na kuwapa ushauri mbalimbali.

“Kikubwa tunafanya uchunguzi wa ngozi zao ili kuona viashiria vya awali vya saratani na kutoa matibabu kwa kutumia  ( Liquid Nitrogen)  na kwa wale wenye saratani tayari tunapiga picha sehemu iliyoathirika na kujaza kwenye kifaa maalumu cha kuhifadhia data na kumpa rufaa ili aweze kutibiwa katika Hospitali kubwa za KCMC na Muhimbili bila malipo”. Amesema Dkt. Aidan Mashuhuri.

Nae mwakilishi wa kundi hilo lenye ulemevu wa ngozi  Bi.Christina Thobias ameishukuru Halmashauri ya Wilaya ya Chalinze kwa jitihada inayofanya juu ya kutafuta wadau mbalimbali ambao wanatoa huduma mbalimbali zinazowalenga walemavu.

“ Kwa niaba ya wenzangu ninapenda  kutoa shukrani zangu za dhati kwa Halmashauri ya Wilaya ya Chalinze kwa kutuletea shirika hili la Standing Voice ambalo hii leo limetupatia elimu mbalimbali hasa inayohusu namna ya kutunza ngozi zetu na pia kutupatia vifaa kinga kama vile kofia na mafuta ya kutunza ngozi zetu dhidi ya mionzi ya jua na tunapenda kusema waendelee na moyo huo”. Amesema  Bi .Christina Thobias.

Kliniki hiyo kwa walemavu wa ngozi inaendeshwa kwa siku moja tu ya Tar 01/07/2022 na pia Shirika hilo limeahidi kurejea katika Halmashauri ya Chalinze mnamo mwezi wa 12 mwaka 2022.