Kamati ya Elimu Afya na Maji yafanya ziara kukagua miradi ya maendeleo

Imewekwa: October 18th, 2022

Kamati ya elimu,afya na maji hii leo imefanya ziara ya kutembelea miradi mbalimbali ya afya,elimu na maji inayotekelezwa katika maeneo mbalimbali yaliypo katika Halmashauri ya Wilaya ya Chalinze kwa robo ya kwanza kwa mwaka wa fedha 2022/2023.

Ziara hiyo imeongozwa na Mwenyekiti wa kamati ambaye ni Diwani wa kata ya Msata Mhe.Selestine Chamu, wajumbe wa kamati hiyo pamoja na baadhi ya wataalamu imelenga kutembelea na kukagua miradi mbalimbali ikiwemo bweni wanafunzi wenye mahitaji maalum katika Shule ya Msingi Chalinze-Pera,ujenzi wa shule ya Sekondari Msolwa-Makondomengi,Shule ya Sekondari Ubena Lunch pamoja na kutembelea na kukagua Hospitali ya Wilaya –Msoga.

Akizungumza mara baada ya kukamilika kwa ziara hiyo Mwnyekiti wa kamati hiyo Mhe. Selestine Chamu amewapongeza wataalamu na Waheshimiwa madiwani kwa kufanya kazi kwa bidi na kuunga mkono juhudi za Rais wetu Mhe. Samia Suluhu Hassani katika usimamizi wa miradi mpaka kupelekea uapatikanaji wa huduma muhimu za afya ikiwemo huduma za x-ray na upimaji wa Magonjwa ya Moyo katika Hospitali ya Msoga na kuwaasa wananchi kujitokeza kwa wingi kupata huduma hiyo.

“Niwapongeze wataalamu pamoja na Madiwani kwa kufanya kazi kubwa na kwa bidi na kwa kumuunga mkono Rais wetu Mhe. Samia Suluhu Hassan hasa kwenye kuhakikisha ujenzi wa miundombinu ya huduma muhimu za elimu na afya na hasa kuhakikisha upatikanaji wa huduma za afya kama vile leo tumeona katika Hospitali yetu ya Wilaya tumeanza kutoa huduma za X-Ray ambapo hapo awali ilikuwa inapatikana katika Hospitala ya Rufaa ya Tumbi,hivyo basi wananchi wajitokeze kwa wingi kuweza kupata huduma hiyo ”. Amesema Mhe. Chamu.

Aidha Mhe.Chamu amwaasa wataalamu wa Halmashauri ya Wilaya ya Chalinze kuendelea kusimamia vyema fedha za miradi inayoendelea kutolewa na Serikali ya awamu ya sita ya inayoongozwa na Rais Samia Suluhu Hassan.