Kikao cha Baraza la wafanyakazi halmashauri ya Chalinze chafanyika

Imewekwa: January 29th, 2024

Kikao cha Baraza la wafanyakazi la Halmashauri kimefanyika leo hii katika katika Ukumbi wa mikutano wa Jakaya Kikwete na kupitia mapendekezo ya Bajeti kwa mwaka 2024/2025,Kikao hicho kimefunguliwa na Mwenyekiti wa Baraza la wafanyakazi halmashauri ya wilaya ya Chalinze ambaye ni Mkurugenzi Mtendaji wa Halmashauri, Bwana Ramadhani Possi.

Kikao hicho kimeshirikisha wajumbe na wawakilishi kutoka vyama vya wafanyakazi na kujadili utekelezaji wa Bajeti ya mwaka 2022/2023, mapitio ya bajeti ya mwaka 2023/2024 kwa nusu mwaka kuanzia mwezi julai hadi Desemba na kujadili mapendekezo ya bajeti kwa mwaka wa fedha 2024/2025 kwa kuzingatia makisio ya stahiki za watumishi mbalimbali kama likizo, uhamisho,mafunzo,mazishi,matibabu,zawadi za watumishi bora,ajira mpya na stahiki za wakuu wa idara na vitengo katika halmashauri ya Chalinze.

Naye Katibu wa Chama cha walimu Mkoa wa Pwani ,Bi. Sekela Mlaga amepongeza mapendekezo ya bajeti kwa mwaka 2024/2025 kwani yamezingatia stahiki za watumishi kama malipo ya likizo,uhamisho,matibabu,motisha kwa watumishi na bajeti kwa ajili ya vikao vya mabaraza ya wafanyakazi.

Aidha wajumbe wa Baraza la wafanyakazi walikubaliana kwa pamoja kupitisha mapendekezo ya bajeti kwa mwaka 2024/2025 kwani mapendekezo hayo yalilenga moja kwa moja stahiki za wafanyakazi kwa mujibu wa sheria taratibu na kanuni katika utumishi wa umma.