Kikao kazi cha Elimu ya Msingi chafanyika Chalinze

Imewekwa: April 19th, 2024

Kikao cha Elimu Msingi cha Mwezi wa Machi kinachohusisha Maafisa Elimu Kata na walimu wakuu wote katika Halmashauri ya Chalinze, kimefanyika leo hii katika Ukumbi wa Jakya Kikwete.

Mkutano huo umefunguliwa rasmi na Mkurugenzi wa Halmashauri ya Chalinze Bw. Ramadhani Possi. Mkutano huo umefanyika kwa ajili ya kufanya tathmini ya ufundishaji katika Divisheni ya Elimu Awali na Msingi.

Katika hotuba yake ya ufunguzi Mkurugenzi Possi aliwapongeza walimu wakuu kwa niaba ya walimu wote kwa jinsi wanavyojitoa katika ufundishaji na kuinua kiwango cha ufaulu katika matokeo ya mitihani katika mitihani ya kitaifa. Bwana Possi aliwataka walimu wakuu kushirikiana na maafisa ustawi wa Jamii katika suala la mapambano ya ukatil wa kijinsia.

Aidha Mkurugenzi amewataka walimu kushiriki katika mapokezi ya mbio za Mwenge wa Uhuru katika halmashauri ya Chalinze yatakayokuwa tarehe 29/04/2024. Bwana Possi alisisitiza kuwa kila mahali utakapopita Mwenge wa Uhuru wananchi wajitokeze kwa wingi kuupokea.