Madiwani wa Halmashauri ya Chalinze ndani ya Jiji la Tanga kwa ziara ya Mafunzo

Imewekwa: January 20th, 2023

Ziara ya mafunzo ya madiwani na wataalam imeanzia katika Ofisi ya  Mkuu wa wilaya ya Tanga kwa kuripoti uwepo wao kwa mamlaka na baada ya hapo watatembelea miradi mbalimbali ya maendeleo katika Jiji la Tanga.

Madiwani wakiwa katika ofisi ya Mkuu wa wila ya Tanga,Mheshimiwa Hashimu Mgandilwa wamejitambulisha na kupokelewa katika Mji wa Tanga. Mheshimiwa Mkuu wa wilaya katika neno lake la ukaribisho aliwapongeza madiwani na wataalam kwa ushirikiano wao wa kushirikishana katika ziara yao kwani katika ziara hiyo kuna uwakilishi wa ofisi ya Mkuu wa wilaya na ofisi ya chama cha mapinduzi wilaya.

Aidha Mheshimiwa Mgandilwa aliwashauri madiwani na wataalam kujifunza fursa mbalimbali ambazo endapo watazihawilisha katika halmashauri ya Chalinze zitakuwa na tija,aliwataka wajifunze na kuona dampo la takataka ambalo kimsingi ni mradi ambao ni muhimu sana kwa mji unaokuwa  kama Chalinze sanjari na kuhakikisha wanakuwa na mpango mji endelevu ili kuepuka ujenzi holela na kukua kwa mji pasipo mpangilio.