Mbunge wa jimbo la Chalinze Mh. Ridhiwani Kikwete ataka migogoro ya ardhi zifikie ukomo

Imewekwa: February 24th, 2021

Mh. Ridhiwani Kikwete Mbunge wa jimbo la Chalinze leo tarehe 24.02.2021 katika ziara ya naibu waziri wa Mifugo na Uvuvi  amewataka wataalamu wa ardhi kuhakikisha kuwa migogoro yote ya ardhi inayoendele katika jimbo la Chalinze inafikia mwisho kwa kila mmoja kuwajibika katika nafasi yake.

Akizungumza katika mkutano wa hadhara katika kijiji cha Chamakweza wakati wa ziara ya Naibu Waziri wa mifugo na Uvuvi Mh. Ridhiwani Kikwete alisema kumekuwa na migogoro mingi ya ardhi katika vijiji ambavyo usuluhisho wake huwa unachukua muda mrefu pasipo na sababu ya msingi jambo ambalo linaweza kuleta uvunjifu wa amani baina ya wananchi.

“Ili kuhakikisha kuwa suluhisho linapatika nilikwenda kwa waziri wa ardhi na kumuoba ardhi kutoka kweye mashamba poli kwa ajili ya kutatua changamoto za ardhi kama si kumaliza kabisa na nilifanikiwa kupata ardhi kwa kuorodhesha baadhi jumla ya Hekari 500 Ruvu darajani, Kidogozero Hekari 500 na Hekari 1200 katika kijiji cha kitonga ambayo ilimegwa kutoka Ranchi ya Ruvu ” Alisema Ridhiwani

Aidha akitoa ufafanuzi baada ya kupokea taarifa ya hatua ya usuluhishi ilipofikia aliwataka wakulima na wafugaji wa kijiji cha Chamakweza na Pingo na maeneo mengine kuendelea kuvuta subira wakati wakisubiri taratibu za ofisi ya Rais Tamisemi kuja na kutoa muafaka wa mipaka katika vijiji hivyo kwa kuzingaatia Tangazo la serikali la mipaka ya vijiji. Aliwasihi wananchi wa Kitonga kuacha tabia ya kuuza ardhi ambayo viongozi wao aliipambania hadi kuipata kwa ajili ya matumizi ya maendeleo ya vijiji vilivyogawiwa.