Mheshimiwa Ridhiwani Kikwete awataka wanafunzi wa kidato cha nne 2023 kufanya maandalizi ya kina

Imewekwa: October 20th, 2023

Naibu Waziri wa Nchi Ofisi ya Rais Menejimenti ya Utumishi wa Umma na utawala bora na Mbunge wa Jimbo la Chalinze Mhe Ridhiwani Kikwete amewaasa wanafunzi wote wa kidato cha nne  wa Jimbo la chalinze na Tanzania kwa ujumla kuendelea kufanya maandilizi vizuri ya kufanya mitihani ya Kidato cha nne inayotarajiwa kufanyika mwezi ujao mwaka huu.

Akizungumza na Chalinze Fm Radio mapema hii leo wakati alipohudhuria mahafali ya kidato cha nne katika shule ya sekondari Pera iliyopo Halmashauri ya Wilaya ya Chalinze kata ya Pera na kuwaasa wanafunzi hao kwa kuhakikisha wanaendela kusoma kwa bidi na kufanya maandalizi ya mwishoni ili waweze kufanya vizuri mitihani hiyo ya kidato cha nne .

Mhe Ridhiwani Kikwete pia ametumia fursa hiyo kuwataka Viongozi wa Halmashauri kuhakikisha wanafanya utaratibu wa kutambua mipaka ya shule zote zilizopo katika Halmashauri hiyo na kuzitafutia hati milki Pamoja na kuweka uzio katika shule hizo ili kuimarisha ulinzi na usalama.

Pia Mhe Mbunge amewaomba wananchi wote wa jimbo la Chalinze kuendelea kusikiliza redio ya Chalinze Fm kwani ndio kituo pekee kilichopo ndani ya Halmashauri ya Wilaya ya Chalinze chenye masafa ya 97.5 kwani ndio njia pekee ya kusikia Habari mbalimbali  zinazofanyika katika jimbo la chalinze na nje ya chalinze.