Mkuu wa mkoa wa Pwani afanya ziara na kukagua miradi ya maendeleo Halmashauri ya Chalinze

Imewekwa: February 11th, 2021

Mkuu wa Mkoa wa Pwani, Mhe. Mhandisi Evarist Ndikilo,  leo Tarehe 11..02.2021 amefanya ziara Halmashauri ya Chalinze  nakujionea utekelezaji wa miradi mbalimbali ya maendeleo ikiwepo ujenzi wa jengo jipya la utawala na Soko na kupongeza uongozi wa Halmshauri ya Chalinze akiwemo Mbunge, Mkuu wa wilaya, Mwenyekiti na Mkurugenzi  kwa kujenga jengo la ofisi za Utawala ambalo ni la kisasa kuliko Halmashauri zote za Mkoa wa Pwani .

Mhandisi Ndikilo ameyasema hayo wakati wa ziara maalum ya kukagua jengo jipya la Halmashauri ya Chalinze ambalo tayari limeanza kutumika huku likisubiriwa kuzinduliwa rasmi wakati wowote.

Awali akikagua jengo hilo, Mhandisi Ndikilo alibainisha kuwa, Miongoni mwa Halmashauri za Mkoa wa Pwani, Chalinze wameweza kujenga jengo la kisasa la gorofa tatu.

"Niwapongeze sana Mkurugenzi, Mwenyekiti wa Halmashauri na Mbunge wa Chalinze kwa kujenga jengo hili la kisasa ambalo ni la mfano hata kwa Halmashauri zingine zinapaswa kuja kuiga kwenu" Alisema Mhandi Ndikilo.

Aidha, amepongeza ukumbi mpya na wa kisasa wa mikutano ya Halmashauri ikiwemo kuwekewa vifaa vya kisasa kama samani za ukumbi pamoja na mfumo wa matangazo (PA).

"Katika Halmashauri za mkoa wa Pwani nilizotembelea PA pamoja na samani nilizozikuta hapa zinaonekana ni zenye ubora na zenye viwanvo vya juu kuliko Halmashauri zote". Alisema Mh: Mhandisi Ndikilo.

Aidha, Mh: Mhandisi Ndikilo akihitimisha ziara yake ya kutembelea miradi ya maendeleo aliweza kutembelea ujenzi wa soko la kisasa la Bwilingu sambamba na ujenzi wa choo, ndani ya soko hilo ambalo linagharimu kiasi cha fedha zaidi  ya Milioni 400 ambazo ni fedha zitokanazo na mapato ya ndani ya Halmashauri ndani ya Halmashauri Chalinze. Soko hilo litakapo kamilika litakua na uwezo wa kuchukua wafanya biashara wasiopungua 100 kwa pamoja, aliwataka watendaji kujitahidi kuwa waaminifu kwa kutowabambikizia kodi kubwa zaidi na iliopangwa wafanyabiashara watakaopata fulsa ya kufanyia biashara katika soko hilo la kisasa.

 Mh Ndikilo katika kikao chake na watumishi wa Halmashauri na viongozi wa kisiasa walioshiriki katika ziara hiyo aliwataka waongeze bidii katika ukusanyaji wa mapato ikiwemo kubuni vyanzo vipya ili Halmashauri iwe na uwezo wa kutekeleza miradi mingi zaidi ya maendeleo ili kuwanufaisha wananchi wenye kipato cha chini.