Siku ya Wanawake Yafana Mkoani Pwani

Imewekwa: March 8th, 2022

Wanawake wa mkoa wa Pwani wameungana na wanawake wenzao duniani kuadhimisha siku ya wanawake kimkoa katika halmashauri ya wilaya ya Chalinze,sherehe hizo zimepambwa na vikundi mbalimbali vya wajasiriamali wananawake ndani ya mkoa wa Pwani.

Katika sherehe hiyo wanawake wamejivunia mafanikio makubwa yanayoendelea kuchukua kasi chini ya Jemedari na Kiongozi Mahiri si mwingine bali ni Rais wa awamu ya sita Mheshimiwa Samia Suluhu Hassan.

Akitoa salamu za Mkoa Mbunge wa Viti Maalum Mkoa wa Pwani Mheshiwa Subira Mgalu aliipongeza serikali ya awanu ya sita chini ya Rais Samia Suluhu Hassan kwa mafanikio makubwa yaliyofanywa na yanayoendelea kutekelezwa katika Sekta za Elimu,Afya,Nishati ya Umeme na uwezeshwaji wa vikundi vya wanawake kupatiwa mikopo isiyokuwa na riba.

Aidha Mgalu ameipongeza serikali ya awamu ya sita kwa kuwa na Imani na wanawake wa Tanzania kwa kuwaamini na kuwateua katika nafasi mbalimbali za uongozi na kuwa mawaziri katika wizara mbalimbali serikalini,kuwapa dhamana ya kuwa wakuu wa mikoa,wilaya,Ukurugenzi katika mamlaka za serikali za mitaa na ukuu wa Idara na Vitengo katika mamlaka hizo.

Katika salamu zake Mgalu alimshukuru Rais wa Jamhuri ya Muungano wa Tanzania kwa niaba ya wanawake wa Pwani kwa kuwa na Imani na wanawake wa Tanzania na kuahidi kutoa ushirikiano mkubwa kwa serikali ili kumkomboa mwanamke katika nyanja zote za maisha.