Wanafunzi, Walimu na Wafanyakazi wa Chuo cha Teknolojia Cha Dar es Salaam (DIT) wawashika Mkono waathirika wa Moto Shule ya Sekondari Kiwangwa

Imewekwa: August 7th, 2021

Mbunge wa Jimbo la Chalinze  Mh. Ridhiwani Kikwete leo amekutana na ujumbe wa Wanafunzi, Walimu na Wafanyakazi wa Chuo cha Teknolojia Cha Dar es Salaam (DIT) walio kwenye ziara Katika Halmashauri ya Chalinze,

Ujumbe huo wa wanafunzi, Walimu na Wafanyakazi wa Chuo cha Teknolojia Cha Dar es Salaam (DIT) walitembelea Shule ya Sekondari ya Kiwangwa kuzungumza na Wanafunzi na Kuwapa pole kwa ajali ya Moto uliyo unguza Bweni la Wasichana katika Shule yao

Wakiwa shuleni hapo wataalamu hao toka DIT wameweka nia ya kusaidia  ujenzi wa Bweni jipya katika Shule hiyo, Pia wamegawa masweta na kuwapa moyo wanafunzi Shule ya Sekondari Kiwangwa kusoma sayansi kwani nchi inahitaji wataalamu wa sayansi katika kipindi hiki cha ukuaji wa uchumi.

Nae Mbunge wa jimbo la Chalinze Mh. Kikwete aliwashukuru kwa kusema

Nikiwa kiongozi wa Jimbo hili napenda kuwashukuru sana kwa ujio wenu na kutufariji katika kipindi hiki ambacho watoto wetu na shule kwa ujumla imepitia kipindi hiki cha kuunguliwa Bweni, wito wangu kwenu ni kwamba leo isiwe mwisho kuja katikabshule hii na zingine zilizopo Chalinze kwani watoto wetu wanahitaji sana msaada wenu kwa maana ya kuwashauri njia sahihi za usoma ili siku moja waweze kufikia ndoto zao za kuwa wanasayansi wazuri.