Watumiaji wa umeme watakiwa kufanya maboresho ya LUKU kwa matumizi sahihi

Imewekwa: July 23rd, 2024

Shirika la umeme Tanzania (TANESCO) kanda ya Mashariki limewataka watumiaji wa mfumo wa lipa umeme kadiri unavyotumia(LUKU) kushiriki kufanya maboresho yanayoendelea kwenye mfumo huo ili kuendelea kupata huduma hiyo.

Hayo yamesemwa na  Afisa mahusiano na wateja wilaya  Charles Vincent leo Julai 22,2024 alipokuwa akifanya mahojiano na  kituo cha Chalinze fm kwenye kipindi cha Gumzo leo kinachoruka kila jumatatu hadi ijumaa kuanzia saa 04:00 hadi saa 07:00 mchana.

Aidha maboresho hayo kwa Mkoa wa Pwani yameanza leo Julai 22, yenye lengo la kufanya maboresho ili kuendana na viwango vya Kimataifa na kuongeza ufanisi Zaidi  na usalama wa mita hizo nchini Tanzania.

Afisa mahusiano Vincent akieleza namna mteja atakapo nunua umeme atapokea tarakimu 60 kwenye makundi matatu, na kusema kuwa kila kundi litakuwa na tarakimu 20.Aidha makundi mawili ya kwanza  yatakuwa kwaajili ya maboresho na kundi moja la mwisho litakuwa  la umeme alionunua  hivyo  mteja  anapaswa kuingiza  tarakimu za kila kundi kwa mfuatano unaosomeka kwenye risiti ya malipo au ujumbe mfupi wa simu alio pokea mara baada ya kununa umeme huo ,na kila atakapo ingiza kundi moja mteja atapwa kuponyeza alama ya okey/kukubali na hapo atakuwa amefanikiwa kuboresha mita yake na atapokea kiwango cha umeme alicho nunua.

Sanjari na hayo Vincent ametoa  angalizo kwa baadhi ya  wateja wanaonunua umeme na kuuhifadhi wanapaswa kuweka umeme huo kwenye mita zao kabla ya kununua umeme mpya na zoezi hilo mteja hatotozwa gharama yoyote.

Kwa upande wake Mdhibiti wa mapato ya umeme kutoka shirika la umeme Tanesco Ibrahim Mkumbukwa amesema kwa mteja mita yake itakayo kataa kupokea mabadiliko anapaswa kutoa taarifa kupitia namba  0748 550 000 za huduma kwa mteja  ili aweze kupata msaada,na  kwa wateja wa mkoa wa Pwani wataweza kupata huduma kupitia namba 0738 256237.Pia ametaja mita namba zitakazo fanyiwa maboresho ili kuendana na mfumo mpya ni zile zinazo anza na 24210, 0134, 075 na 04.

Ikiwa ni jitihada za kumuunga mkono Rais wa Jamuhuri ya Muungano wa Tanzania Dkt Samia Suluhu Hassan katika kuhakikisha wananchi wanapata huduma bora zoezi hili linatarajiwa kutamatika ifikapo Novemba 24 ,2024 kwa mikoa yote nchini.