Waziri Kikwete Apokea Hundi ya Tsh Milioni 52 kutoka kiwanda cha Keda

Imewekwa: June 21st, 2025

 Waziri wa Nchi Ofisi ya Waziri Mkuu, Kazi, Vijana, Ajira na Wenye Ulemavu pamoja na Mbunge wa Chalinze, Mhe. Ridhiwani Jakaya Kikwete, amepokea hundi yenye thamani ya shilingi milioni 52 kutoka Kiwanda cha KEDA kilichopo Chalinze mkoani Pwani. Hundi hii inalenga kusaidia ukarabati wa Shule ya Msingi ya Chalinze, iliyopo Halmashauri ya Wilaya ya Chalinze.

Makabidhiano hayo yalifanyika Leo Juni , 21,2025 Jijini Dar es Salaam  katika Hoteli ya Johari Rotana  ambapo hundi iliyotolewa ni sehemu ya mchango wa boksi 1,000 za tails.Vifaa hivi vitatumika katika ujenzi na ukarabati wa madarasa sita pamoja na kukamilisha bweni la wavulana wenye mahitaji maalumu.

Katika hafla hiyo, uongozi wa kiwanda cha KEDA pia umeahidi kutoa vifaa vingine vinavyohitajika kwa shule hiyo, ikiwemo Kompyuta 20 na meza zake,

Televisheni yenye ukubwa wa inchi  43,

Mashine ya kutolea nakala(photocopy)kamera, mipira ya michezo pamoja na Jezi za wachezaji.

Mhe Ridhiwani ameushukuru uongozi wa kiwanda hicho na kutoa wito kwa wadau wengine kujitokeza katika kuchangia ukarabati wa Shule hiyo ikiwa ni katika harakati za kuunga mkono jitihada za Rais wa Jamuhuri ya Muungano wa Tanzania Dkt Samia Suluhu Hassan katika Sekta ya Elimu.

Ikiwa ni  kuelekea katika Maadhimisho ya Miaka 67  tangu kuanzishwa kwa shule hiyo mnano mwaka 1958 moja ya mikakati iliyowekwa na shule hiyo ni kukusanya jumla ya kiasi cha shilingi Milioni 300 kwa ajili ya ukarabati na ujenzi wa miundombinu wa Shule hiyo.