Bilioni 54.7 Kuidhinishwa na Baraza la Madiwani Chalinze

Imewekwa: February 16th, 2024

Baraza la Madiwani wa Halmashauri ya Chalinze limepitisha Makisio ya Bajeti ya shilingi 54,682,456,619 Bilioni kwa ajili ya mwaka wa fedha 2024/2025.

Bajeti hiyo ni ongezeko la asilimia 4.07 ukilinganisha na ya mwaka wa fedha 2023/24 ambayo ilipitishwa na inaendelea kutekelezwa ambayo ni sh. 52,545,284 Bilioni .

Akizungumza baada ya kuwasilisha kwa Bajeti hiyo Mkuu wa Wilaya ya Bagamoyo Halima Okash amesema wataalam wa Halmashauri hiyo wanatakiwa kusimamia Bajeti inayopitishwa iliikatekeleze yaliyoahidiwa kwa wananchi na kuondoa kero zilizopo.

Mwenyekiti wa Halmashauri ya Chalinze Hassani Mwinyikondo amesema Madiwani watatoa ushirikiano katika utekelezaji wa Bajeti hiyo kwenye miradi ya maendeleo.

Mkurugenzi wa Halmashauri hiyo Ramadani Possi alisema katika mapato ya ndani matumizi yake yameelekezwa zaidi kutatua Changamoto ambazo zimejitokeza .

Possi amesema sh. Milioni 59.2 zimetengwa kwa ajili ya kupelekwa kwenye uendeshaji wa ofisi za Vijiji, huku Halmashauri  ikitenga sh. 1.2 Bilion kwa ajili Wakala wa Barabara za Mjini na Vijijini (TARURA) kuboresha barabara za Vijijini ikiwa ni uwekaji wa taa, ununuzi wa greda na uchongaji wa Barabara.

Katika Mwaka wa fedha 2024/25 Halmashauri hiyo imefanya marekebisho kadhaa katika upande wa Makisio ya vyanzo vya ndani kwa kuongeza makisio ya mapato ya ndani kutoka sh. 15.6 Bilioni hadi kufikia sh.17.3 ongezeko hilo ambalo ni  asilimia 10.82 ya sh.1.6 Bilioni .

Akiwasilisha taarifa ya Makisio ya Mpango wa Bajeti hiyo kwa niaba ya Mkurugenzi wa Halmashauri ya Chalinze Ramadhani Possi, Afisa Mipango Ismail Bilali amesema ongezeko hilo limetokana na chanzo kipya cha matofali.

Bilali ameeleza vyanzo vingine vilivyoongezeka kuwa ni pamoja na ushuru wa mabango, Kodi ya ardhi, Kodi ya majengo pamoja na kuongezeka kwa mapato ya baadhi ya vyanzo kama ushuru wa madini, ushuri wa huduma, ushuri wa mihogo, mauzo ya viwanja na mapato ya yanayotokana na sekta ya afya.