Kamati ya Uchumi,Ujenzi na Mazingira yafanya ziara Talawanda

Imewekwa: October 3rd, 2019

Kamati ya Uchumi,Ujenzi na Mazingira ikiongozwa na Mwenyekiti wake Ndugu. Hassan Rajabu Mwinyikondo pamoja na wataalamu wa Halmashauri ya Wilaya ya Chalinze imefanya ziara kwaajili ya kutembelea miradi mbalimbali ya ujenzi siku ya Jumatano ya tarehe 02/10/2019 katika Kata ya Talawanda ukiwemo mradi wa ujenzi wa ofisi ya kata .

Kamati imeridhishwa na ujenzi wa ofisi hiyo kwa kufikia hatua nzuri na kupelekea  Mwenyekiti wa kamati hiyo kutoa pongezi kwa usimamizi mzuri mpaka kufikia hatua inayoridhisha.

‘’Nawapongeza wasimamizi wa jengo hili kwa kufanikiwa kusimamia vyema ujenzi wa ofisi hii kwani kwa kufanya hivyo jengo hili litakapokamilika ni faida kwa wana Talawanda na Serikali kwa ujumla katika utoaji wa huduma bora za kiofisi  kwa jamii.’’ Alisema ndugu Mwinyikondo.

Ndugu Mwinyikondo aliendelea kwa kuwasihi wasimamizi waendelee na kazi nzuri ya kusimamai jengo hilo mpaka litakapokamilika kwani kamati itawaongezea fedha kwaajili ya ukamilishaji wa jengo hilo na kuuomba Uongozi wa kata hiyo kushirikiana vyema na kuwahamasisha wadau wa maendeleo katika kushiriki ujenzi wa Jengo hilo.

Naye Afisa Mtendaji kata wa Talawanda ndugu Hassan Mkomwa akamshukuru ndugu Mwenyekiti na kamati yake kwa kutembelea mradi wa ujenzi huo na kujionea maendeleo yaliyofikiwa na kutoa taarifa fupi ya ujenzi huo.

‘’Tunakushukuru ndugu Mwenyekiti na kamati yako kwa kufika mahali hapa na kujionea maendeleo ya ujenzi ,kama unavyoona hatua tuliyofikia tumetumia kiasi cha Tsh Milioni 33 kwa awamu mbili ambapo awamu ya kwanza tumepatiwa kiasi cha Tsh Milioni 25 na awamu ya pili ni Tsh. Milioni 8.’’Alisema ndugu Mkomwa.

Hata hivyo Kamati imeahidi kuongeza kiasi cha Tsh. Milioni 15 katika ujenzi wa ofisi hiyo zitakazojumuishwa na nguvu ya wananchi kupitia wadau wa maendeleo ili kufanikisha umaliziaji wa jengo hilo.