Mhe: Ridhiwani Kikwete atembelea maonesho ya tatu ya uwekezaji na Biashara Pwani

Imewekwa: October 10th, 2022

Naibu Waziri wa Ardhi Nyumba na Maendeleo ya Makazi ambaye pia ni Mbunge wa Jimbo la Chalinze ametembelea Maonesho ya tatu Uwekezaji na Biashara katika Viwanja vya Maili Moja Kibaha kwa lengo la kujionea shughuli na fursa za uwekezaji zinazopatikana Mkoa wa Pwani.

Naibu huyo amepata wasaa wakutembelea na kuzungumza na makampuni,taasisi na vikundi mbalimbali vinavyojihusisha na ujasiliamali vinavyopatikana katika Wilaya za Mkoa wa Pwani na kutoa wito kwa wawekezaji wengine kuwa na tabia ya kusimamiia malengo ya uwekezaji wa viwanda ya mwanzo na sio kubadilisha kimatumizi ili kuendana na malengo ya Serikali.

“Natoa wito kwa baadhi ya wawekezaji watumie maeneo wanayopewa vizuri na sio unapewa eneo kubwa halafu hutumii kama ulivyoomba mfano tukikupa ekari elfu 2 basi utumie kwa matumizi ulioomba na si kutumia ekari elfu 1 halafu ekeri zilizobakia ukatumia kwa matumizi mengine na hii itasaidia kufanikisha malengo ya uwekezaji ya Mhe.Rais Samia Suluhu Hassan”.Amesema Mhe. Ridhiwani.

Aidha Mhe. Ridhiwani amewapongeza Wakuu wa Wilaya na Wakurugenzi wa Halmashauri za Wilaya zilizopo Mkoa wa Pwani kwa kusimamia utekelezaji wa malengo ya kiilani kwa kupeleka asilimia kumi kwa wananchi na wajasiliamali.

Nimeshuhudia wajasiliamali kutoka sehemu mbalimbali wakielezea hadithi ambazo wameendelea kufaidika na uwepo wa Serikali ya awamu ya sita kwa kufikishiwa stahiki zao za asilimia kumi kwa mfano tumeshuhudia  kwa Halmashauri ya Chalinze vikundi zaidi ya 1200 vimeweza kufikiwa na kupatiwa mikopo ili kutekeleza ilani yaChama Cha Mapinduzi.

Maonesho hayo ya Uwekezaji na Biashara ni maonesho ya tatu yanayofanyika Mkoa wa Pwani yakitegemea kufikia tamati siku ya Jumatatu tarehe, 10/10/2022.