Mwenge wa Uhuru waingia Rasmi Mkoani Pwani katika Halmashauri ya Chalinze

Imewekwa: April 29th, 2024

MWENGE wa Uhuru 2024 umepokelewa leo katika mkoa wa Pwani ukitokea Mkoa wa Morogoro.

Akipokea Mwenge huo wa Uhuru kutoka kwa Mkuu wa Mkoa wa Morogoro Adam Malima, Mkuu wa Mkoa wa Pwani Abubakar Kunenge amesema utakimbikimbizwa km 1,225.3 ambapo utakagua, utazindua na kuweka mawe ya Msingi katika miradi 126 yenyewe thamani ya zaiidi ya sh trillion nane. 

Makabidhiano hayo ambayo yamefanyika katika eneo la Bwawani kata ya Ubena Halmashauri ya Chalinze Wilaya ya Bagamoyo, yamehushuriwa na Viongozi mbalimbali wa Mkoa wa Pwani akiwemo mke wa Rais Mstaafu awamu ya nne Mama Salma Kikwete.

Akizungumza katika mapokeai ya Mwenge wa Uhuru  Kunenge amesema thamani ya miradi ya mwaka huu ni zaidi ya miradi ya mwaka  2023 ambayo ilikuwa na thamani ya sh. Trillion 4.4.

Amesema miradi 18 itawekwa mawe ya Msingi, 22 itakaguliwa na 16 itazinduliwa na kwamba Mafanikio ya uwepo wa miradi hiyo yametokana na uwekezaji na fedha zilizotolewa na Serikali.

Kunenge amesema Mkoa huo katika adhma yake ya kutunza mazingira umelenga kupanda miti miln 13.5 hadi kufikia mwezi June 2024 katika kipindi cha mwaka 2013/2024 na hadi sasa miti Miln 8,884,935 imepandwa.

Wakati huo huo, Kunenge alimkabidhi Mwenge wa Uhuru Mkuu wa wilaya ya Bagamoyo Halima Okash ambapo utakimbizwa katika halmashauri mbili Chalinze na Bagamoyo.

 Okash baada ya kukabidhiwa alisema Mwenge huo katika Halmashauri hizo utapita katika miradi 29 yenye thamani ya sh. Biln 15.2.

Katika halmashauri ya Chalinze Mwenge umezindua barabara na ujenzi wa daraja  Kwamela -Lukwambe uliogharimu milioni 365.975 ,upande wa daraja milioni 190.205 katika mwaka wa fedha 2022/2023 TARURA Bagamoyo kupitia fedha za mfuko wa jimbo.

Miradi mingine ujenzi wa shule ya awali na msingi ya Ridhiwani Kikwete, mradi uliotekelezwa kwa kutumia ujenzi ambao ulitokana na shule ya awali na msingi Bwilingu A kuwa na msongamano wa wanafunzi na hivyo kuanzishwa shule nyingine..

MWENGE wa Uhuru pia  umeweka jiwe la Msingi  mradi tanki la maji Bwilingu,  mradi wa redio katika kituo cha redio Chalinze FM 97.5 ,kukagua mradi wa huduma ya kijamii duka la dawa kwenye kituo cha afya Bwilingu na kuweka jiwe la msingi mradi wa afya kwa waraibu wa dawa za kulevya kituo cha afya Chalinze.