Tupendane, tutangulize Uzalendo-Mhe. Subira Mgalu

Imewekwa: December 13th, 2021

Mbunge wa Viti maalum Mhe.Subira Mgalu amehimiza upendo na Uzalendo baina ya  Mwenyekiti mpya wa Halmashauri ya Wilaya ya Chalinze Mhe. Hassan Mwinyikondo, Madiwani na Watendaji wa Halmashauri. Hayo Ameyasema leo katika baraza maalumu la madiwa la kumthibitisha na kumuapisha Mwenyekiti Alie Chaguliwa kwa ajili ya Kuchukua  nafasi ya aliekuwa Mwenyekiti wa Halmashauri hiyo Mh. Geofrey Kamugisha

“Nikupongeze kwa kuchaguliwa kuwa mwenyekiti wa Halmashauri  hivyo basi naomba utuunganishewote na kuimarisha ushirikiano  na namuomba sana MwenyeziMungu atusimamie tutimize majukumu yetu na Niwaombe tupendane,tushirikiane na tutangulize uzalendo kwa rasilimali zinazopatikana Chalinze tuzisimamie vizuri na kutoa ushauri uliomzuri  na yeyote anayetaka kututenganisha basi tumkemee ili Halmashauri yetu iweze kusonga mbele”. Alisema Mhe. Subira Mgalu

Aidha Mh. Mgalu alihitimisha kwa kuwataka Madiwani na wataalamu wote kuhakikisha wanaelekeza nguvu zao katika kuhakikisha wanaijenga Chalinze katika Misingi ya Maendeleo kwa kuwekeza zaidi katika Miradi Mikakati na kusimamia mapato na Matumizi kwa ustawi wa Chalinze