Vijana wa skauti wafanya usafi Kijiji Cha Gongo

Imewekwa: March 15th, 2020

Vijana wa skauti wa shule ya sekondari Matipwili katika Halmashauri ya wilaya ya Chalinze,jana wameadhimisha siku ya kumkumbuka ya mwasisi wa skauti duniani Robert Badden Powell,ambaye hukumbukwa kila mwaka Februali 22.

Katika kumbukizi hiyo iliyofanywa na vijana hao,walifanya usafi wa mazingira katika shule ya msingi Gongo, Zahanati ya Kijiji Cha Gongo na mwisho walizindua tawi la skauti katika shule ya Msingi Gongo kwa kupandisha bendera ya Taifa.

Vijana hao wakiongozwa na mwalimu wao Furaha Kibiga alieleza kuwa moja ya kazi ya skauti ni kuwafundisha vijana ukakamavu,uzalendo na kutoa huduma kwa jamii kama uokoaji usafi wa mazingira na kusaidia wasiojiweza katika jamii.

Naye mwalimu Mkuu wa shule ya msingi Gongo, Jeremiah Tito amewapongeza vijana wa skauti kutoka shule ya sekondari Matipwili kwa kufanya kazi za kizalendo za usafi wa mazingira katika shule ya msingi Gongo na Zahanati ya Kijiji cha Gongo.

Aidha amempongeza mwalimu wa skauti kutoka shule ya Matipwili kwa moyo wake wa kizalendo wa kuzindua tawi la skauti katika shule ya msingi Gongo na kuahidi kuwajengea uwezo vijana wa skauti katika shule ya msingi Gongo sanjari na kuwajengea moyo wa kizalendo