Wananchi wa Chalinze kunufaika na ujenzi wa bwawa la maji Chamakweza

Imewekwa: February 24th, 2021

Naibu Waziri  wa Mifugo na uvui Mh:Pauline Gekul leo Tarehe 24.02.2021 amefanya ziara ya kikazi kwa kutembelea Maeneo mbalimbali ya Halmashauri ya Chalinze ikiwemo Kijiji cha kitonga, Mnada wa ruvu darajani na Kijiji cha Chamakweza na kufanya ukaguzi wa ujenzi wa Bwawa la Maji katika kijiji hicho

 Zaidi Shilingi za kitanzania Mil 671.4 zimetolewa na wizara ya mifugo na uvuvi ili kutekeleza mradi huo ambao baada ya kukamilika utawanufaisha wananchi wa Chalinze hususani jamii ya wafugaji iliopo katika kijiji cha Chamakweza. Mradi huu ulitakiwa kukamilika tarehe 28.02.2021 na mkandarasi anaetekeleza mradi akaomba muda wa wiki mbili hadi tarehe 10.03.2021 ili kumalizia sehemu ya asilimia iliobako

Aidha Mh: Naibu waziri alitoa salam za shukrani kutoka kwa Mh. Rais wa Jamuhuri ya Muungano wa Tanzani Mh. Dr John Pombe Magufuri kwa wananchi wa Chalinze alisema ‘Serikali imejipanga kuhakikisha wafugaji na wavuvi na wanannchi kwa ujumla wananufaika na mapato yatokanayo na kodi zinazotolewa na watanzania kitu kilichopelekea watenge bajeti ya zaidi ya Mil 600 kwa ajiri ya ujenzi wa bwawa hilo la maji kwa matumizi ya kawaida na kunyweshea mifugo chamakweza’

Alimtaka mkandarasi kufanya kazi kwa ufanisi na kuzingatia muda aliopangiwa ili kukamilisha mradi huo kwa wakati. “Mlitakiwa kukamilisha tarehe 28.02.2021 na mmeomba muda wa ziada wa wiki mbili kukamilisha mradi hakikisheni mnaongeza kasi kwani tutaendelea kufanya ufuatiliaji ili kujiridhisha  utendaji wenu wa kazi na tutakapo kuja hapa tarehe 10.03.2021 tukute mradi umekamilika na wananchi waanze kunufaika na bwawa hili” Alisema Mh. Pauline

Akihitimisha katika ziara yake ya ukaguzi wa maendeleo ya ujenzi wa Bwawa hilo Mh. Pauline alimtaka mkandarasa kuongeza idadi ya Birika za kunyweshea mifugo pasipo kuadhiri ubora wa Bwawa ilikusaidia mifugo kutogombania sehemu ya kunywea maji kitu ambacho kinaweza pelekea kifo kwa baadhi ya mifugo kwa kukanyagana.